Tunizia, Algjeria dhe Egjipti thirrje për dhënie fund të luftimeve në Libi
Më herët gjatë kësaj jave kreu i OKB-së, Antonio Guterres, u bëri thirrje të gjitha vendeve për zbatim të rreptë të embargos mbi importin e armëve në Libi.
Tunizia, Algjeria dhe Egjipti kanë shprehur shqetësim të thellë lidhur me situatën kaotike në Libi dhe kanë bërë thirrje për një armëpushim të menjëhershëm.
Ministrat e Jashtëm të tre vendeve, që të tria fqinje të Libisë, patën një takim të mërkurën në kryeqytetin e Tunizisë.
Në një deklaratë të përbashkët të lëshuar gjatë natës ata dënuan "rrjedhën e vazhdueshme të armëve dhe hyrjen e luftëtarëve të huaj terroristë" në Libi.
Më herët gjatë kësaj jave kreu i OKB-së, Antonio Guterres, u bëri thirrje të gjitha vendeve për zbatim të rreptë të embargos mbi importin e armëve në Libi, duke thënë se furnizimi i paligjshëm i armëve nga toka, deti dhe ajri është duke nxitur luftimet në vendin e pasur me naftë.
Libia është në kaos që nga viti 2011, kur Muamar Gadafi, një sundimtar disa dekadash u rrëzua nga pushteti dhe u vra.























