Koreja e Jugut, raketa paralajmëruese kundër avionit rus
BKT
   Bota

Koreja e Jugut, raketa paralajmëruese kundër avionit rus

Ministria e Mbrojtjes e Koresë së Jugut bëri të ditur se në të njëjtën kohë hapësirën ajrore koreano-jugore e kanë shkelur edhe dy avionë kinezë.

Ushtria e Koresë së Jugut ka shkrepur dy raketa paralajmëruese kundër një avioni rus që ka hyrë dhe ka shkelur hapësirën ajrore të vendit.

Ministria koreano-jugore e Mbrojtjes njoftoi se sistemi kundërajror ka detektuar tre avionë rusë pranë kufirit ajror, ndërsa njëri prej tyre ka hyrë thellë në hapësirën ajrore të Koresë së Jugut.

Agjencia e lajmeve Yonhap raporton se forcat koreano-jugore kanë shkrepur raketa paralajmëruese për të zmbrapsur avionin rus.

Ministria e Mbrojtjes e Koresë së Jugut bëri të ditur se në të njëjtën kohë hapësirën ajrore koreano-jugore e kanë shkelur edhe dy avionë kinezë.

Seuli zyrtar paralajmëroi se do t'i dërgojë ankesë Moskës dhe Pekinit me kërkesë për të sqaruar nëse shkeljet e hapësirës ajrore ishin të qëllimshme apo të paqëllimshme./aa/