SHBA dënon ashpër sulmet ajrore në Idlib
Mbrojtja Civile njoftoi se së paku 39 civilë janë vrarë gjatë sulmit ajror të cilin e kryen avionët rusë në një treg në qytetin Maarat Al-Numan.
Shtetet e Bashkuara të Amerikës dënuan ashpër sulmet ajrore dhe artilerike që gjatë disa ditëve të fundit në vendbanimet e Idlibit i kryen avionët rusë dhe forcat lojale të regjimit sirian Bashar al-Assad.
Mbrojtja Civile "Helmetat e Bardhë" njoftoi se së paku 39 civilë janë vrarë gjatë sulmit ajror të cilin e kryen avionët rusë në një treg në qytetin Maarat Al-Numan.
Forcat ajrore të regjimit të Assadit paralelisht kryen sulm në një treg në Saraqib dhe vranë së paku 7 civilë. Avionët rusë dhe të Assadit qëlluan edhe vendbanimet Bidama, Talmenes dhe Al-Kabin. Në këto sulme humbën jetën 4 civilë.
"Sulmet e vazhdueshme janë tregues se regjimi i Assadit dhe aleatët e tij edhe më tej besojnë dhe angazhohen për zgjidhje ushtarake të krizës në këtë vend. Këto sulme janë hapa dëshpëruese", deklaroi Morgan Ortagus, zëdhënësja e Departamentit Amerikan të Shtetit.
Ortagus u bëri thirrje autoriteteve ruse dhe regjimit të Assadit që t’u japin fund sulmeve, të respektojnë armëpushimin e dakorduar në verilindje të Sirisë dhe të lejojnë aktivitetet humanitare në këtë rajon./aa/























