Sulm në një zyrë zgjedhore në Afganistan, 20 të vdekur
Saleh i cili u nxor nga ndërtesa ku ndodhi sulmi dhe u dërgua në një rajon të sigurt është plagosur në krah. Në përleshjen që ndodhi pas sulmit, forcat e sigurisë vranë 3 sulmues.
Të paktën 20 persona e kanë humbur jetën si pasojë e një sulmi të armatosur dhe me bombë ndaj një zyre zgjedhore të Amrullah Saleh, kandidat për zëvendëspresident të parë të presidentit Ashraf Ghani.
Minstria e Brendshme afgane njoftoi se si pasojë e sulmit kanë humbur jetën 20 persona ndërsa 50 të tjerë janë plagosur.
Përgjegjësinë mbi sulmin ende nuk e ka marrë askush.
Presidenti afgan Ghani në një deklaratë në Twitter, njoftoi se gjendja e Saleh është e mirë.
Fushata zgjedhore në Afganistan zyrtarisht filloi dje ndërsa zgjedhjet presidenciale do të mbahen më 28 shtator.























