Ja si të përgatisni krofne furre
BKT
Kuzhina

Ja si të përgatisni krofne furre

Përbërësit:

200 ml qumësht
20 gr tharm buke
1 lugëz sheqer
1 lugëz margarinë
2 vezë
400-450 gr miell
kripë
lëvore limoni

Udhëzimet:

1 Tharmin e bukës fermentojeni me qumësht të ngrohtë. Shtoni vezët, sheqerin, margarinën, lëvoren e grirë në rende të një limoni dhe miellin.

2 Bëjeni brumin duke e ngjeshur mirë.

3 Lëreni të pushojë e të dyfishohet në masë.

4 Më pas ngjisheni edhe njëherë e lëreni të pushojë. Pas pushimit të dytë, ngjisheni sërish.

5 Në fund, brumin e fermentuar shtrijeni me petës. Pastaj me ndihmën e një gote formoni krofnet me trashësi prej 1.5 cm dhe këto renditini në tepsinë e mbuluar me letër pjekjeje.

6 Furrën fillimisht ngroheni në 200 e më pas uleni temperaturën ne 180 gradë.

7 Krofnet piqini për afro 25 minuta e më pas mbulojini me pecetë dhe lërini të ftohen.

8 Shpojini me shiringë kuzhine e mbushini sipas dëshirës ose me recel ose me krem kakao.

9 Spërkatini me sheqer pluhur.Ju bëfshin mirë./meshije.com