“Bëhuni gati për Brexit”, qeveria britanike nis fushatën informuese
BKT
   Bota

“Bëhuni gati për Brexit”, qeveria britanike nis fushatën informuese

“Bëhuni gati për Brexit”. Kështu është quajtur fushata informuese mbi shkëputjen nga Bashkimi Europian, e cila nisi të dielën me promovimin e një faqeje dedikuar Brexit-it në faqen e qeverisë.

Tabela dhe reklama në mediat sociale do të shfaqen më vonë gjatë muajit. Majkëll Gove, i ngarkuar me hartimin e planeve për divorcin pa ujdi, tha se reklamat do të inkurajojnë përgjegjësinë e përbashkët për shkëputjen që pritet të ndodhë në 31 tetor.

“Nuk është vetëm një çështje e rëndësisë kombëtare, por një përgjegjësi e përbashkët”, ishin fjalët e Gove.

Është raportuar se fushata mund të kushtojë rreth 100 milionë paund. Ministri i kabinetit u kritikua më herët nga një shoqatë tregtare, pasi deklaroi se nuk do të kishte mungesa në ushqime në rastin e një shkëputjeje pa ujdi. Kjo, sipas biznesmenëve, është totalisht e pavërtetë.