Katastrofë në Bolivi, zjarri në pyje vrau 2.3 milionë kafshë të egra
BKT
   Bota

Katastrofë në Bolivi, zjarri në pyje vrau 2.3 milionë kafshë të egra

Katastrofë dhe në Bolivi. Mbi 2 milionë kafshë të egra, mes të cilëve jaguarë, puma dhe lama, kanë ngordhur në zjarret që po shkatërrojnë pyjet dhe savanën e këtij shteti.

Mediat lokale kanë shfaqur pamjet e kafshëve të ndryshme të karbonizuara në zonat e mbrojtura. Që prej gushtit zjarret kanë shkrumbuar 4 milionë hektarë pyje. Autoritetet kanë angazhuar 5 mijë zjarrfikës, disa helikopterë dhe dy superavionë për shuarjen e flakëve.

Ambientalistët akuzojnë presidentin Evo Morales, se me ligjet e tij ka nxitur zjarrvënien e qëllimshme në pyje për të zgjeruar prodhimin bujqësor. Ndërsa qeveria fajëson motin e thatë dhe erërat e forta.