Abe kërkon samit me Phenianin dhe distancohet nga Seuli
BKT
   Bota

Abe kërkon samit me Phenianin dhe distancohet nga Seuli

Abe përsëriti se Seuli duhet të tërheq kërkesat për kompensim nga Japonia për periudhën e luftës përtej asaj që i është paguar sipas Traktatit të Paqes.

Kryeministri i Japonisë, Shinzo Abe tha se dëshiron të takohet me udhëheqësin e Koresë së Veriut, Kim Jong-Un, përkundër faktit se ai vazhdon me testimet e raketave.

Në të njëjtën kohë, Abe i dha një "dush të ftohtë" Koresë së Jugut në mesin e tensioneve lidhur me periudhën e luftës.

Në një fjalim rreth politikave sot gjatë hapjes së seancës parlamentare, Abe tha se do të shfrytëzojë çdo mundësi për të takuar Kim-in.

Koreja e Veriut ka vazhduar me testet raketore në prag të bisedimeve të denuklearizimit me SHBA-të këtë fundjavë. Testi i fundit të mërkurën rezultoi me një raketë e cila ra brenda zonës ekskluzive ekonomike të Japonisë.

Abe përsëriti se Seuli duhet të tërheq kërkesat për kompensim nga Japonia për periudhën e luftës përtej asaj që i është paguar sipas Traktatit të Paqes.