19:57 / 23.10.2019
Komandanti kurd: Armëpushimi nuk do të ishte i mundur pa Donald Trump
Komandanti i kurdëve sirianë Mazlum Abdi thotë se një armëpushim me Turqinë nuk do të ishte i mundur pa përpjekjet e presidentit të SHBA-së Donald Trump.
Kjo u raportua në Twitter nga një zëdhënës i forcave të Abdit në kohën kur Trump njoftoi se armëpushimi midis Turqisë dhe kurdëve sirianë do të ishte i përhershëm, raporton AP.
Abdi tha se Trump kishte premtuar të ruajë një partneritet amerikan me forcat e udhëhequra nga kurdët dhe se vendi do të vazhdojë t'i mbështesë ata në planin afatgjatë.
Ai falënderoi Trump për "përpjekjet e tij të palodhshme" për të ndaluar ofensivën turke.
Ofensiva zgjati nëntë ditë para se të arrihej armëpushimi me ndërmjetësimin amerikan.
Forcat kurde u detyruan të tërhiqnin luftëtarët e tyre në jug të kufirit turk.























