18:38 / 29.10.2019
Kryeministrja Dancila propozon eurokomisionerin e ri
Kreu i qeverisë rumune në ikje, Viorica Dancila njoftoi sot se do të propozojë në Bruksel si eurokomisioner Victor Negrescu-n, ish-ministrin për Çështjet e Evropës.
“Victor Negrescu përfaqëson një zgjedhje të mirë për komisioner evropian, duke pasur parasysh përvojën e tij”, deklaroi ajo para gazetarëve.
Dancila saktësoi në Facebook se kishte marrë një letër nga Ursula von der Leyen, që pritet të marrë funksionin e saj si presidente e Komisionit Evropian më 1 dhjetor, që të zgjedhë pa vonesë një komisioner.
Presidenti, Klaus Iohannis, e gjykoi si të papërgjegjshme qasjen e kryeministres, duke deklaruar se ajo nuk kishte legjitimitet për të bërë një propozim të ri./ATSH/























