10:33 / 14.11.2019
Rrahën për vdekje studentin, arrestohen 25 persona
Policia e Bangladeshit ka arrestuar 25 persona të dyshuar për vrasjen e një studenti në tetor.
Një grup prej të paktën 11 personash i zunë pritë 21 vjeçarit brenda rrethimit të universitetit dhe e rrahën për vdekje, kjo pasi studenti kritikoi ashpër politikën e qeverisë nëpërmjet postimeve në rrjete sociale.
Vrasja e Abrar Fahad shkaktoi protesta në të gjitha kampuset universitare në të gjithë vendin.
Policia deklaroi se 11 persona u përfshinë në mënyrë direkte në vrasjen e tij ndërsa pjesa tjetër janë të përfshirë në organizimin e sulmit.
Shumë prej të arrestuarve bëjnë pjesë në forumin rinor të një prej partive në Bangladesh, Awami League.
Grupi i tyre është akuzuar edhe më parë për përdorimin e dhunës dhe torturave kundrejt studentëve.























