Nigeri, mbi gjysma e banorëve pa letërnjoftime
Sharr Travel

Nigeri, mbi gjysma e banorëve pa letërnjoftime

Aliyu Abu-Bakr, kryetari i Komisionit Nacional për Dhënien e Dokumenteve Personale (NIMC), deklaroi se prej 200 milionë banorëve të Nigerisë më shumë se 100, veçmas gra, nuk kanë letërnjoftim.

Në Nigeri më shumë se gjysma e banorëve nuk posedojnë letërnjoftim.

Aliyu Abu-Bakr, kryetari i Komisionit Nacional për Dhënien e Dokumenteve Personale (NIMC), deklaroi se prej 200 milionë banorëve të Nigerisë më shumë se 100, veçmas gra, nuk kanë letërnjoftim.

Ai theksoi se është shumë me rëndësi që të gjithë qytetarët në vend të posedojnë letërnjoftim, duke theksuar se kjo është e drejta e tyre qytetare.

"Po ashtu është me rëndësi të posedojnë letërnjoftim për të shfrytëzuar shërbimet publike, por edhe t’i gëzojnë liritë ekonomike", tha Abu-Bakr.

Në Nigeri është miratuar ligji sipas të cilit qytetarët janë të obliguar që të mbajnë letërnjoftim, mes tjerash, edhe me qëllim të luftës efikase me bandat e armatosura dhe organizatat terroriste./aa/