Macron: Brexit i shpejtë pas zgjedhjeve britanike
Sharr Travel

Macron: Brexit i shpejtë pas zgjedhjeve britanike

Presidenti francez, Emmanuel Macron theksoi sot se dëshiron një avancim të shpejtë për sa i përket çështjes së Brexit-it, menjëherë pas rezultateve të zgjedhjeve legjislative në Britaninë e Madhe.

“Do të duhet që ne të mund të avancojmë sa më shpejt pas këtyre zgjedhjeve”, deklaroi presidenti francez pas pritjes në Elysée të presidentit të ri të Këshillit Europian, Charles Michel.

“Njëzet e shtatë drejtuesit evropianë do të diskutojnë për Brexit të premten, pas zgjedhjeve legjislative të parakohshme, një rastësi me kalendarin”, sipas ish-kryeministrit belg.

“Në të gjitha rastet, do të jetë shumë e rëndësishme vazhdimi i metodës së ndjekur deri tani, që do të thotë uniteti i 27 vendeve, drejtimi unik i negociatave nga Michel Barnier, rigoroz në mbrojtjen e interesave tona pa hequr dorë nga presioni dhe duke respektuar, me Britaninë e Madhe, kushtet e konkurrencës”, deklaroi presidenti francez, Emmanuel Macron.

Charles Michel konfirmoi nga ana e tij rëndësinë e ndërtimit të një marrëdhënieje të ngushtë me Britaninë e Madhe që është një partnere shumë e rëndësishme për Bashkimin Evropian.

Në mungesë të kryeministrit britanik, Boris Johnson, 27 vendet do të diskutojnë të premten për prioritetet e tyre në negociatat e ardhshme mbi marrëdhënien me Londrën, veçanërisht tregtare./ATSH/

Shkatërrojeni prostatitis! Një produkt-vrasës i prostatitis!

Barku i varur do të zhduket menjëherë! Minus 9 kg në 7 ditë!