​“Tech Heroes” bashkoi komunitetet në Kosovës
BKT
Tech

​“Tech Heroes” bashkoi komunitetet në Kosovës

Tech Heroes, garë në fushën e teknologjisë informative e cila po zhvillohet për herë të dytë në Kosovë, sot shënoi ditën e dytë ku të rinjtë patën mundësi të njoftohen me një varg aktivitetesh rreth teknologjisë.

Qëllimi i kësaj gare ishte bashkimi i 160 pjesëmarrësve prej të gjitha etnive në Kosovë, të cilët do të punojnë  në një periudhë prej 6 muajsh, në zhvillimin e aplikacioneve të ndryshme për të zgjedh problemet e ndryshme shoqërore.

Organizatorja Fiona Shehu, tha për KosovaPress, se projekti dy ditësh i teknologjisë, ka për qëllim t’i bashkojë të gjitha komunitetet e Kosovës, në një gjuhë të përbashkët e cila është teknologjia dhe t’i ndihmojë nxënësit që të punojnë në grupe së bashku, që të arrijnë një zgjidhje pozitive në shoqëri.

Pjesëmarrëse e garës Altina Kasabaqi, u shpreh shumë e lumtur që është pjesë e kësaj gare, e cila i ka ndihmuar të fitoi shumë njohuri nga teknologjia e fundit. Ajo tha se edhe pse ka komunitete të ndryshme të gjithë së bashku po kalojnë shumë mirë.

 Granit Zeka nga Prishtina, gjithashtu pjesëmarrës në garë, tha se e gjitha kjo garë u ka mësuar të solidarizohen me komunitetet e tjera dhe të punijnë në grupe.

Projekti i “Tech Heroes” është i mbështetur nga Ambasada e Britanisë në Kosovë, si dhe implementohet nga organizata për migrim integrim dhe Akademia jCoders.


MË SHUME NGA Tech