13:50 / 19.12.2019
Autobusi përplaset me kamionin, shuhet familja me 14 anëtarë
Një minibus është përplasur me një kamion ditën e djeshme në Meksikë e si pasojë mbetën të vrarë 14 persona, ndër to dhe 5 fëmijë.
Automjeti i marrë me qira nga një familje po udhëtonte në autostradën që lidh shtetin e Guanajuato dhe resortin Puerto Vallarta, kur përplasi nga prapa një kamion.
Minibusi u përfshi nga flakët ndërsa të gjithë pasagjerët u bllokuan. Si pasojë e djegies, prej tij mbeti vetëm skeleti.
12 persona të tjerë mbetën të plagosur dhe u dërguan menjëherë me helikopter në spitalin në Guadalajara.























