20:52 / 19.12.2019
Autoritetet amerikane kapin 8000 kg kokainë në Oqean
Rojet Bregdetare të SHBA-së kanë kapur më shumë se 8,000 kilogramë kokainë me vlerë prej 312 milionë dollarësh, në një seri operacionesh në Oqeanin Paqësor.
Operacioni ishte pjesë e përpjekjeve të përbashkëta që përfshinin pesë ekuipazhe të veçanta të rojeve bregdetare. Kishte shtatë anije të përgjuara, duke përfshirë një gjysmë nëndetëse, raporton KTV.
Secili ekuipazh ishte përgjegjës për gjetjen e mijëra kilogramëve të drogës mes tetorit dhe fillimit të dhjetorit, ka njoftuar Roja Bregdetare e SHBA-së.
Videoja e publikuar tregon anëtarët e ekuipazhit që përgjojnë një anije të shpejtë derisa ishte në patrullim.























