Putin hap trafikun hekurudhor në urën që lidh Rusinë me Krimenë
BKT
   Bota

Putin hap trafikun hekurudhor në urën që lidh Rusinë me Krimenë

Presidenti rus Vladimir Putin sot solemnisht ka hapur linjën hekurudhore përmes urës kontroverse, e cila bashkon tokën ruse me Krimenë e okupuar nga Rusia.

Putin, me kalimin e urës shënoi fillimin e trafikut hekurudhor ndërsa treni i parë me pasagjerë nga Shën Petersburgu në Sevastopol, qyteti më i madh në Krime, përmes urës do të kalojë të mërkurën.

Ukraina, Bashkimi Evropian dhe SHBA e kanë dënuar urën 19 kilometërshe që lidh Rusinë me gadishullin për të cilën thonë se është nën okupim të paligjshëm.

Ura, që është më e gjatë në Evropë dhe Rusi, përshkon Ngushticën e Kerçit në Detin Azov si dhe përfshin një pjesë autostradash të hapura vitin e kaluar.

Në vitin 2014 Rusia aneksoi Gadishullin e Krimesë të Ukrainës pas një referendumi të diskutueshëm. Që atëherë Moska ka ndjekur një politikë të integrimit të gadishullit përmes projekteve të transportit dhe infrastrukturës.

Turqia si dhe Asambleja e Përgjithshme e OKB-së e shohin si të paligjshëm aneksimin e Krimesë.