Indonezi, 19 të vdekur si pasojë e përmbytjeve
BKT
   Bota

Indonezi, 19 të vdekur si pasojë e përmbytjeve

Ministri indonezian i Çështjeve Sociale, Juliari Peter Batubara, konfirmoi se 19 persona kanë humbur jetën dhe theksoi se ende pritet konfirmim për dy të tjerë.

Të paktën 19 persona kanë humbur jetën si pasojë e përmbytjeve të shkakutara nga reshjet që dje përfshinë Indonezinë.

Ministri indonezian i Çështjeve Sociale, Juliari Peter Batubara, konfirmoi se 19 persona kanë humbur jetën dhe theksoi se ende pritet konfirmim për dy të tjerë.

Agjencia Kombëtare për Menaxhimn e Katastrofave (BNPB) tha se përmbytjet dje kanë përfshirë qytetet Xhakarta, Depok, Bekasi, Tangerang dhe Bogor.

Zëdhënësi i BNPB-së, Agus Wibowo, tha se reshjet e dendura dhe të pandërprera kanë shkaktuar rrëshqitje të tokës dhe daljen e lumenjve nga shtrati në disa zona.

Ndërkaq, numri i të evakuuarve nga shkaku i përmbytjeve në kryeqytetin Xhakarta ka kaluar në mbi 31 mijë, tha Wibowo.

Zyrtarët thonë se në kryeqytet është duke ndodhur katastrofa më e madhe e përmbytjeve në shtatë vitet e fundit, duke i paralajmëruar banorët se reshjet pritet të vazhdojnë edhe në ditët në vijim.

Indonezia, e cila gjendet në paralelen e ekuatorit, përballet me përmbytje dhe stuhi të shpeshta si pasojë e reshjeve të dendura posaçërisht në periudhën midis tetorit dhe prillit.