Domate të mbushura në furrë
BKT
Kuzhina

Domate të mbushura në furrë

Përbërësit:

▪ 5 domate të rrumbullakëta të pjekura, por të forta
▪ tuli i dy simiteve të forta (bukë e ndenjur dyditëshe)
▪ 1 tufë majdanoz
▪ 2 thelpinj hudhër
▪ 50g djathë kaçkavall i grirë + 2 lugë të tjera
▪ vaj ulliri, kripë, piper

Përgatitja:

Ndezim furrën në temperaturën 180°C.

1. Lajmë domatet, i presim me thikë, u heqim tulin dhe farat me një lugë të vogël. Tulin dhe farat i kullojmë me sitë në një tas dhe ruajmë lëngun. Domatet i kthejmë përmbys mbi një tavë me letër kuzhine, që t’u thahet lëngu që ka mbetur.

2. Në një tas përziejmë bukën, të cilën e kemi thërrmuar, majdanozin dhe hudhrat të shtypura imët, lëngun e tulit të domateve, kripën, piperin, djathin kaçkavall (50g), vajin e ullirit. I përziejmë derisa masa të bëhet homogjene.