18:43 / 15.01.2020
Karrenbauer vizitë në Irak
Ministrja gjermane e Mbrojtjes, Annegret Kramp-Karrenbauer mbërriti sot në Irak për bisedime me zyrtarët e lartë të ushtrisë, njoftoi ministria gjermane.
Vizita vjen si pasojë e përpjekjeve të Berlinit për të lobuar që ushtarët e Bundeswehr të ruajnë praninë e tyre në vend.
Trupat gjermane dhe ushtarët e tjerë nga vendet që formojnë aleancë ushtarake të udhëhequr nga SHBA-ja kundër Shtetit Islamik u tërhoqën nga Iraku pas vrasjes së gjeneralit të lartë iranian Qassem Soleimani nga Shtetet e Bashkuara.
Në përgjigje të këtij sulmi Irani sulmoi bazën ushtarake amerikane në Irak./atsh/























