19:34 / 15.01.2020
Zbulohen raste të reja me poliomielit
Në Filipine janë zbuluar gjashtë raste të reja me poliomielit, duke e çuar në 14 numrin e pacientëve me sëmundjen ngjitëse, deklaroi sot Organizata Botërore e Shëndetit (OBSH) dhe Fondi i Emergjencës së Kombeve të Bashkuara për Fëmijët (UNICEF).
Sipas një raporti nga organet ndërkombëtare, disa nga pacientët ishin nga provincat e rajonit jugor Mindanao.
Në raport thuhet se rreziku për transmetimin e mëtejshëm të poliomielitit vazhdon të jetë i lartë, për shkak të kushteve të dobëta sanitare dhe higjienike.























