Afganistan, 50 talebanë dorëzohen te forcat qeveritare
BKT
   Bota

Afganistan, 50 talebanë dorëzohen te forcat qeveritare

Abdulhay Hatibi, zëdhënësi i guvernatorit të Ghor, para gazetarëve tha se militantët janë larguar nga radhët e talebanëve dhe me armatimin e tyre janë dorëzuar te forcat qeveritare.

Në provincën Ghor në perëndim të Afganistanit 50 militantë talebanë janë dorëzuar te forcat qeveritare.

Abdulhay Hatibi, zëdhënësi i guvernatorit të provincës Ghor, para gazetarëve tha se militantët janë larguar nga radhët e talebanëve dhe me armatimin e tyre janë dorëzuar te forcat qeveritare.

Ai theksoi se të sapodorëzuarit në vitet e kaluara kanë marrë pjesë në operacione të ndryshme ushtarake.

Afganistani është arenë e një krize të thellë disa dekadëshe, politike dhe të sigurisë e cila pasqyrohet në luftën për mbizotërim në mes lëvizjes talebane dhe forcave qeveritare.

Vetëm në gjysmën e parë të vitit të kaluar në Afganistan pësuan të paktën 3.812 persona, nga të cilët 1.366 të vrarë dhe 2.446 të plagosur./aa/