Francë, policët dhe zjarrfikësit rrihen mes vete
BKT
   Bota

Francë, policët dhe zjarrfikësit rrihen mes vete

Një video dramatike është publikuar nga mediat franceze ku një grup policësh dhe një grup zjarrfikësish përleshen me njëri-tjetrin në një rrugicë në veri të Parisit, pasi kishin lënë takim më parë.

Sipas dëshmitarëve, grupi i zjarrfikësve ishte tërhequr nga protesta që po mbahej në rrugën kryesore, ku ata ishin goditur nga policët dhe dukej se sherri ishte i programuar.

Në videon e publikuar nga media “Hors Zone” në Twitter duket se sherri përfundon vetëm pas hedhjes së gazit lotsjellës nga policët.

Edhe protesta kryesore e së martës ishte tepër e dhunshme, ndërsa disa zjarrfikës ia vunë edhe flakën vetes, por fatmirësisht u shpëtuan nga kolegët. Prej gjashtë javësh në Francë ka protesta masive që u shtohen atyre të “Jelekverdhëve”, pas reformës së pensioneve të propozuar nga presidenti Emmanuel Macron.