Pasojat e koronavirusit, në Wuhan dyshohet për djegie masive të të vdekurve
BKT
   Bota

Pasojat e koronavirusit, në Wuhan dyshohet për djegie masive të të vdekurve

Rritja e nivelit të dioksidit të squfurit në ajër i identifikuar në rajonin e Wuhanit në Kinë, ka ngritur dyshimet se atje po digjen kufomat e pacientëve që kanë vdekur nga koronavirusi. Ky nivel i dioksidit të squfurit rritet në ajër kur ka djegie të materialeve organike.

Të paktën kështu po raportojnë disa media ndërkombëtare, të cilat po pretendojnë se Kina ka organizuar krematoriume masive për trupat e vdekur nga koronavirusi, transmeton Gazeta Shneta.

Sipas këtyre raportimeve, dyshohet se Kina është duke mbajtur të fshehtë numrin e personave të prekur nga sëmundja dhe po ashtu numrin e personave që kanë ndërruar jetë. Madje ka pasur edhe studime shkencore të cilat pretendojnë se numri i të sëmurëve është shumëfish më i lartë bazuar në transmetimin e sëmundjes gjatë kohës së inkubacionit.