Francë, ndalohet autobusi që vinte nga Italia, sepse shoferi po kollitej
BKT
   Bota

Francë, ndalohet autobusi që vinte nga Italia, sepse shoferi po kollitej

Këtë të hënë në mëngjes një autobus që vinte nga veriu i Italisë është ndaluar në stacionin e autobusëve në Perrache të Francës (Lion) për një arsye në dukje të habitshme.

Një pasagjer i autobusit ka marrë në telefon policinë dhe ka raportuar se është shqetësuar nga kolla ‘jonormale dhe impresive’ e shoferit të autobusit. Policia është vënë në lëvizje që në orën 7:30 të mëngjesit dhe ka ndaluar autobusin në stacionin e Perrache.

Një doktor ka mbërritur për të vizituar shoferin i cili kishte shfaqur simptoma gripi, së bashku me një tjetër pasagjer.

Të dy personat në fjalë janë dërguar në spital për ekzaminime të mëtejshme, ndërsa pasagjerët e tjerë kanë mbetur brenda perimetrit të sigurisë, të vendosur nga policia.