Drejt Britanisë me kontejner, në gjendje të rëndë disa emigrantë
BKT
   Bota

Drejt Britanisë me kontejner, në gjendje të rëndë disa emigrantë

Autoritetet britanike bëjnë me dije se kanë gjetur disa emigrantë të fshehur në një kontejner. Ata kishin si qëllim të mbërrinin në Mbretërinë e Bashkuar. Kontejneri me emigrantë u zbulua në portin e Hullit, në veri të Anglisë, dhe disa prej tyre kishin nevojë për ndihmë mjekësore për shkak të kushteve të vështira ku kishin udhëtuar.

Policia nuk bën ende me dije për numrin e emigrantëve të gjetur në kontejner apo nacionalitetin e tyre dhe deklaron se ka nisur një hetim për gjetjen e organizatorëve të kësaj veprimtarie kriminale të trafikimit të qenieve njerëzore.

Tetorin e kaluar 38 emigrantë vietnamezë u gjetën të vdekur në një kamion në zonën industriale në lindje të Londrës.