Koronavirusi në Kaliforni, shpallet gjendje e jashtëzakonshme
BKT
   Bota

Koronavirusi në Kaliforni, shpallet gjendje e jashtëzakonshme

Kalifornia ka shpallur një gjendje të jashtëzakonshme pasi konfirmoi viktimën e parë nga koronavirusi, duke sjellë numrin e vdekjeve të SH.B.A. në 11.

Mësohet se viktima ishtë një 71-vjeçar, i cili humbi jetën në një spital afër Sacramento, shkruan BBC.

Tani ka të paktën 150 pacientë të raportuar në SH.B.A me Covid-19 në 16 shtete.

Në të gjithë botën, autoritetet kanë konfirmuar më shumë se 92,000 raste të virusit, nga të cilat më shumë se 80,000 janë në Kinë. Më shumë se 3000 njerëz kanë vdekur në të gjithë botën, shumica prej tyre në Kinë.

10 nga 11 viktimat e SHBA ishin në shtetin Uashington, por shpërthimi gjithashtu është ndezur në Teksas dhe Nebraska.

Ndërkohë Uashington dhe Florida shpallën gjendje të jashtëzakonshme gjatë fundjavës për të ndihmuar në parandalimin e koronavirusit.