09:02 / 09.03.2020
Pezullohet puna e dy spitaleve të tjera të përkohshme në Wuhan
Ndërkohë që numri i pacientëve me koronavirusin e ri vazhdon të bjerë në Kinë dy spitale të tjera të përkohshme e kanë pezulluar punën në Wuhan.
Qyteti deri më tani ka ndaluar funksionimin e 11 spitaleve të përkohshme, të krijuara në mjedise publike për trajtimin e pacientëve me simptoma të buta.
E megjithatë stafi mjekësor në spitale mbetet në gatishmëri.
Më shumë spitale të përkohshme pritet të mbyllen në Hubei, ndërsa masat e rrepta të parandalimit dhe kontrollit do të mbahen.























