10:28 / 12.03.2020
Kinë, nxirret viktima e fundit nga shembja e hotelit në karantinë
Ka shkuar në 29 numri i të vdekurve nga shembja e një hoteli në Quanzhou të Kinës e cila kohët e fundit ishte kthyer në karantinë për personat e prekur me koronavirus.
Autoritetet deklaruan se mëngjesin e sotëm është nxjerrë edhe viktima e fundit nga rrënojat.
Hoteli u shemb të shtunën e 7 marsit dhe ende nuk dihen shkaqet.
Kati i parë i ndërtesës kishte kaluar në rikonstruksion që para Vitit të Ri Lunar, tha agjencia zyrtare e lajmeve Xinhua.
Hoteli raportohet të jetë hapur në vitin 2018 dhe kishte 80 dhoma.























