11:20 / 17.03.2020
Videokonferencë Erdogan-Merkel-Macron mbi migracionin
Samiti midis presidentit turk Recep Tajip Erdogan, kancelares gjermane Angela Merkel dhe presidentit francez Emmanuel Macron, i cili u ra dakord javën e kaluar për të diskutuar krizën e migrantëve dhe situatën në Siri, do të zhvillohet sot përmes videokonferencës.
Për momentin, presidenca e Ankarasë nuk ka dhënë ende një orar zyrtar për takimin trepalësh, i cili sipas medieve lokale duhet të zhvillohet pasdite.
Bisedimet fillimisht u caktuan në Stamboll, por formula u ndryshua si pjesë e masave parandaluese kundër përhapjes së koronavirusit.
Në qendër të konfrontimit është kërkesa turke për një marrëveshje të re për migrantët, pasi Erdogan beson se është tejkaluar marrëvëshja e marsit të 2016./atsh/























