Masat kundër koronavirusit, së paku 50,000 francezë të bllokuar në Afrikë
BKT
   Bota

Masat kundër koronavirusit, së paku 50,000 francezë të bllokuar në Afrikë

Sipas medias online Afrik.com, mijëra qytetarë francezë nuk mund të kthehen në vendin e tyre për shkak të këtyre masave dhe çmimeve të larta të biletave për të dekurajuar udhëtimin ndërkombëtar në epiqendrën e virusit, Evropë.

Së paku 50,000 shtetas francezë janë bllokuar në vendet afrikane pasi kufijtë tokësor janë mbyllur dhe fluturimet janë pezulluar si pjesë e masave kundër koronavirusit, raporton Anadolu Agency.

Sipas medias online Afrik.com, mijëra qytetarë francezë nuk mund të kthehen në vendin e tyre për shkak të këtyre masave dhe çmimeve të larta të biletave për të dekurajuar udhëtimin ndërkombëtare në epiqendrën e virusit, Evropë.

Deri më tani, Afrika ka regjistruar 34 vdekje nga koronavirusi, me më shumë se 1.000 raste të raportuara.

Qeveritë afrikane kanë futur disa masa për të zvogëluar përhapjen e virusit, përfshirë mbylljen e shkollave, vendosjen e kufizimeve të udhëtimit dhe ndalimin e tubimeve të mbi 100 njerëzve.

Vende të tilla si Senegali, Maroku, Bregu i Fildishtë dhe Kameruni, ku jetojnë shumë turistë francezë dhe njerëz të biznesit, menjëherë morën masa paraprake, përfshirë karantinën e atyre që vijnë nga Evropa, një shtetrrethim, si dhe mbylljen e kufijve, dhe pezullimin e fluturimeve.

Koronavirusi u shfaq në Wuhan, Kinë, dhjetorin e kaluar dhe është përhapur në të paktën 167 vende dhe territore.

Numri i rasteve të konfirmuara në të gjithë botën tani ka tejkaluar 341.300, ndërsa numri i vdekjeve ka tejkaluar 14.700, sipas të dhënave të përpiluara nga Universiteti Johns Hopkins me qendër në SHBA.