Afganistan, 4 ushtarë të NATO-s pozitiv me COVID-19
BKT
   Bota

Afganistan, 4 ushtarë të NATO-s pozitiv me COVID-19

Misioni "Mbështetja e Qëndrueshme" e udhëhequr nga NATO në Kabul njoftoi se 38 pjesëtarë që shfaqën simptoma të ngjashme me gripin janë në izolim.

Së paku katër pjesëtarë të shërbimit të misionit "Mbështetja e Qëndrueshme" të udhëhequr nga NATO në Afganistan rezultuan pozitiv me koronavirusin e ri (COVID-19), konfirmoi sot Aleanca, raporton Anadolu Agency.

Në një deklaratë të shkurtër, misioni tha se këto janë testet e para pozitive midis ushtarëve të vendosur në vendin e shkatërruar nga lufta.

Gjithashtu u tha se 38 pjesëtarë që shfaqën simptoma të ngjashme me gripin janë në izolim dhe janë në kujdes mjekësor.