Izrael, rritet në 2.369 numri i rasteve me koronavirus

Izrael, rritet në 2.369 numri i rasteve me koronavirus

"Numri i të infektuarve nga virusi po rritet shumëfish. Brenda dy javësh, ne mund të gjendemi përballë mijëra të sëmurëve, shumica e të cilëve bartin rrezikun e vdekjes", tha Netanyahu.

Me 199 raste të reja është rritur në 2.369 numri i rasteve me koronavirusitn e ri (Covid-19) në Izrael, transmeton Anadolu Agency.

Në një deklaratë me shkrim nga Ministria izraelite e Shëndetësisë, thuhet se në të gjithë vendin janë shtuar 199 raste të reja duke e rritur në 2.369 numrin e personave të prekur nga koronavirusi.

Në deklaratë thuhet se 39 prej të prekurve nga koronavirusi janë në situatë kritike.

- Netanyahu mesazh se "në të gjithë vendin mund të zbatohet karantina"

Sipas lajmit të institucionit transmetues publik KAN të Izraelit, kryeministri izraelit, Benjamin Netanyahu shprehu shqetësimin për rrëzimin e sistemit shëndetësor në vend.

Duke bërë thirrje për politika të rrepta për të parandaluar rrëzimin e sistemit shëndetësor të vendit, Netanyahu vuri në dukje se populli i Izraelit duhet të vendos vetë disiplinën e rreptë, përndryshe do të ndodhë një fatkeqësi.

"Numri i të infektuarve nga virusi po rritet shumëfish. Brenda dy javësh, ne mund të gjendemi përballë mijëra të sëmurëve, shumica e të cilëve bartin rrezikun e vdekjes. Për këtë arsye ju them që nëse nuk do ketë ndonjë përmirësim të situatës, atëherë nuk do të ketë shpëtim nga zbatimi i një mbylljeje të plotë (karantinë), përveç nevojave themelore siç janë ushqimet dhe ilaçet", tha Netanyahu duke shtuar se mund të vendos më shumë kufizime për izraelitët për të parandaluar përhapjen e koronavirusit.

Ai tha se zbatimi i karantinës do të fillojë në të gjithë vendin brenda disa ditësh dhe se duke parashikuar këtë vazhdojnë të gjitha përgatitjet ligjore dhe logjistike.