Gjermani, Dhoma e Lartë e parlamentit miraton paketën e ndihmës
BKT
   Bota

Gjermani, Dhoma e Lartë e parlamentit miraton paketën e ndihmës

Dhoma e Lartë e parlamentit në Gjermani, Bundesrat, miratoi paketën gjithëpërfshirëse për të ndihmuar qytetarët dhe bizneset në vend të përballojnë krizën e koronavirusit.

Ajo përmban masa për të ndihmuar kompanitë, pë të ruajtur vendet e punës, mbështetur spitalet dhe për të ruajtur jetesën e qytetarëve dhe strehimin.

Paketa prej 156 miliardë eurosh është një veprim historik jashtë rregullave fiskale të mbajtura prej kohësh në vend.

Paketa e ndihmave u miratua në më pak se një javë, nën një procedurë të shpejtë u miratua të hënën nga kabineti qeveritar dhe të mërkurën nga Dhoma e Ulët e parlamentit./atsh/