Edhe 128 vdekje të reja nga koronavirusi në Gjermani
BKT
   Bota

Edhe 128 vdekje të reja nga koronavirusi në Gjermani

Gjermania ka raportuar për 128 vdekje shtesë dhe 4,615 raste të konfirmuara të koronavirusit nga ditë e hënë, ka raportuar agjencia e lajmeve, Reuters, duke cituar Insititutin Robert Koch.

Sipas kësaj agjencie të shëndetit publik, numri i të infektuarve në këtë shtet nga virusi arrin në 61,913, ndërsa i të vdekurve në 583.

Në qytetin lindor, Jena, pasagjerët e transportit publik dhe shitësit nëpër dyqane do të duhet të vendosin maskë mbrojtëse.

Në mungesë të maskës, njerëzve do t’iu lejohet vendosja e shallit, për të mbuluar hundën dhe gojën.

Këshilli i këtij qyteti ka thënë se rregullat e reja do të nisin së zbatuari nga java e ardhshme.