15:28 / 06.04.2020
Indonezi, të paktën 25 mjekë, viktima të COVID-19
Të paktën 25 mjekë indonezianë kanë humbur jetën pasi rezultuan pozitivë me koronavirus, njoftoi shoqata mjekësore e vendit, duke ngritur alarmin për numrin në rritje të viktimave.
“Të paktën 19 mjekë dhe gjashtë dentistë humbën jetën nga COVID-19”, deklaroi Halik Malik, zëdhënës i Shoqatës Mjekësore Indoneziane.
Ai shtoi se nuk ka shifra të tjera të disponueshme për punonjësit e shëndetit.
Gjithashtu i kërkoi qeverisë që të jetë transparente për numrin e punonjësve të shëndetit të prekur nga virusi./atsh/























