08:28 / 14.04.2020
Zelanda e Re e vazhdon gjendjen emergjente edhe për një javë
Autoritetet në Zelandë të Re kanë shtyrë gjendjen emergjente kombëtare edhe për shtatë ditë të tjera si përkrahje për përpjekjet qeveritare për t’u përballur me Koronavirusin.
Shpallja e gjendjes emergjente për herë të parë ishte bërë më 25 mars dhe vazhdimi i sotëm është i treti me radhë që bëhet. Kjo praktikë mund të përsëritet për aq herë sa është e nevojshme ka thënë Ministri i Mbrojtjes Civile, Peeni Henare, shkruan CNN.
Zelanda e re ka raportuar 1 mijë e 366 raste me COVID-19, prej të cilave nëntë kanë përfunduar me fatalitet.























