Në Oman dhe Tunizi rriten rastet me COVID-19
BKT
   Bota

Në Oman dhe Tunizi rriten rastet me COVID-19

Ministria e Shëndetësisë e Omanit regjistroi 99 raste të reja, ndërsa në Tunizi u konfirmuan 14 rastet e reja me COVID-19.

Më shumë raste dhe vdekje nga koronavirusi i ri (COVID-19) sot u raportuan në Oman dhe Tunizi, transmeton Anadolu Agency.

Ministria e Shëndetësisë e Omanit regjistroi 99 raste të reja, duke e rritur totalin në 2.747, përfshirë 495 shërime.

Në 24 orët e fundit nuk pati të vdekur në vend, kështu që numri i vdekjeve mbetet në 11.

Në Tunizi, 14 rastet e reja e rritën numrin e përgjithshëm në 994, përfshirë 305 të shëruar, ndërsa numri i vdekjeve ka arritur në 41.

Më shumë se 3.3 milionë njerëz në 187 vende dhe rajone janë infektuar që kur u shfaq virusi në Kinë dhjetorin e kaluar, me SHBA-në dhe Evropën si zonat më të goditura në botë.