Rusia shënon 10,500 raste të reja brenda 24 orëve
BKT
   Bota

Rusia shënon 10,500 raste të reja brenda 24 orëve

Rusia raportoi 10.581 infektime të reja me koronavirus këtë të hënë, duke e çuar numrin e përgjithshëm të rasteve të konfirmuara zyrtarisht në 145.268, sipas autoriteteve përkatëse në vend.

Shifra në fjalë është e dyta më e larta sa i takon rasteve të reja që Rusia ka parë në një periudhë 24-orëshe, që nga fillimi i epidemisë.

Deri më tani, 1.356 vdekje dhe 18.095 pacientë të rikuperuar janë regjistruar në Rusi. Afërsisht gjysma e rasteve të regjistruara në javët e shkuara ishin asimptomatike. Moska përbën më shumë se gjysmën e të gjitha rasteve të koronavirusit në vend.

Pika e nxehtë kryeqytetase: Kryetari i Moskës Sergey Sobyanin tha në një postim të shtunën se bazuar “në shfaqjen e grupeve të ndryshme të popullsisë” ka të ngjarë që 2% e të gjithë banorëve të qytetit të kenë virusin.

Sipas të dhënave zyrtare, ka 12.7 milionë njerëz në Moskë, 2% e të cilëve janë afërsisht 254,000 njerëz.