Vdekjet nga COVID-19 në Spanjë shënojnë rënie, trazirat rriten
Infeksionet e reja u rritën me 549 raste të reja të konfirmuara, një rritje e vogël krahasuar me ditën e djeshme kur u regjistruan 506 raste të reja.
Spanja ka regjistruar 138 vdekje të tjera nga koronavirusi i ri (COVID-19), një rënie e ndjeshme krahasuar me një ditë më parë kur shënoi 217 vdekje nga ky virus, transmeton Anadolu Agency.
Infeksionet e reja u rritën me 549 raste të reja të konfirmuara, një rritje e vogël krahasuar me ditën e djeshme kur u regjistruan 506 raste të reja.
Që nga shpërthimi i pandemisë, mbi 230 mijë persona janë konfirmuar me koronavirus në Spanjë, prej të cilëve 124.581 janë shëruar dhe rreth 27.500 kanë vdekur.
Dje, në një nga komunitetet më të pasura të Spanjës vazhduan protestat anti-qeveritare për të pestën natë radhazi.
Pavarësisht pranisë së madhe të forcave policore, qindra protestues shfrytëzuan të drejtat e tyre për kryer ushtrime jashtë pas orës 8 të mëngjesit dhe u bashkuan në rrethin Salamanca në Madrid, duke kërkuar dorëheqjen nga qeveria dhe të lehtësojë bllokimin.
Imazhet treguan se shumë prej pjesëmarrësve mbanin pankarta, por distanca sociale midis protestuesve nuk u respektua gjithmonë.
E përditshmja spanjolle "El Pais" raportoi se kishte parë një dokument të brendshëm të Gardës Civile Spanjolle që paralajmëronte rritje të trazirave sociale në muajt në vazhdim.
Rajoni i Madridit ka paraqitur rastin e saj tek autoritetet qendrore të Spanjës për atë pse duhet të lehtësojë bllokimin. Ministria e Shëndetësisë sot më vonë pritet të njoftojë se cilat rajone të vendit do të jenë në gjendje të përparojnë me de-përshkallëzimin.
Të premten e kaluar, sipas Ministrisë së Shëndetësisë, kërkesa e Madridit për të qetësuar bllokimin ishte refuzuar në bazë të kritereve epidemiologjike dhe shëndetit publik.
Mëngjesin e sotëm, rregulloret e reja zgjatën kufizimet për fluturimet jo thelbësore për në Spanjë nga destinacionet ndërkombëtare deri më 15 qershor. Të gjitha fluturimet ndërkombëtare tani do të kufizohen në aeroportet në Barcelonë, Madrid, Palma de Mallorca, Gran Canaria dhe Malaga.
Derisa të mbarojë gjendja e jashtëzakonshme në Spanjë, e cila pritet të zgjasë të paktën deri në fund të qershorit, të gjithë udhëtarët për në vend janë të detyruar të kalojnë 14 ditë në karantinë. Nga kjo masë përjashtohen punonjësit ndërkufitarë.























