16:15 / 03.06.2020
Afganistan, 9 civilë të vdekur gjatë një shpërthimi
Ende askush nuk ka marrë përgjegjësinë për sulmin.
Së paku nëntë civilë humbën jetën gjatë shpërthimit në krahinën e Kandaharit, në jug të Afganistanit, raporton Anadolu Agency.
Zëdhënësi i policisë në Kandahar, Jamal Nasir Barikzey, tha se shpërthimi ndodhi në rajonin Hush Rod. Gjatë kalimit të një automjeti që transportonte civilë u aktivizua mjeti shpërthyes i vendosur më herët në rrugë.
Sipas tij, gjatë shpërthimit humbën jetën së paku nëntë civilë, ndërsa pesë të tjerë u plagosën.
Ende askush nuk ka marrë përgjegjësinë për sulmin.























