Theu karantinën për të shkuar në festë,Spanja gjobit me 10,400 euro princin
BKT
   Bota

Theu karantinën për të shkuar në festë,Spanja gjobit me 10,400 euro princin

Spanja gjobiti me një shifër të majme prej 10,400 eurosh princin e Belgjikës, Joachim për thyerjen e karantinës muajin e kaluar.

Princi 28 vjeçar udhëtoi nga Belgjika drejt Andaluzisë, Spanjë më 24 maj si pjesë e një internshipi.

Ai u gjobit pasi theu rregullin e karantinimit prej 14 ditësh pas arritjes në Spanjë.

Joachim e ka pranuar që ka thyer rregullat e vetëizolimit. Vizita e tij në Spanjë i ka kushtuar shumë pasi vetëm dy ditë më vonë ai rezultoi pozitiv me koronavirus pasi shkoi në një festë në qytetin e Cordoba.

Sipas autoriteteve spanjolle, ai ndodhet ende i izoluar në Spanjë teksa vijojnë hetimet për festën ku kishte marrë pjesë ai.

Sipas një artikulli të publikuar në të përditshmen El Pais muajin e kaluar, në festë të ftuar 27 persona ndërkohë që rregullat e izolimit në Cordoba lejonin mbledhjen e jo më shumë se 15 personave.