Tronditet Meksika! Tërmet me fuqi sa 84 bomba atomike
BKT
   Bota

Tronditet Meksika! Tërmet me fuqi sa 84 bomba atomike

Lëkundje të forta tërmeti kanë tronditur pak çaste me parë bregdentin e Meksikës.

Tërmeti me magnitudë 7.5, Shkalla Rihter, sipas të dhënave që ka rregjistruar EMSC ka pasur një thellësi vetëm 10 km, çka e bëri atë edhe më të frikshëm.

"Vulcano Discavery" e ka vlerësuar tërmetin e shkallës 7.3 dhe vlerësohet se ka çliruar një energji prej 1.3*10^6 tonë TNT (tritol) / ose e barabartë me 84 bomba atomike, njofton NOA.al.

Nuk ka ende të dhëna mbi efektet e këtij tërmeti, me lëkundje shumë të mëdha.

Tërmeti ka pasur si epiqendër zonat e banuara rreth 137 km në juglindje të Oaxaca de Juárez, dhe vetëm 22 km në verilindje të Santa María Xadani, një vend me popullsi rreth 6 mijë banorë.

Është dhënë edhe alarmi për cunam, pas lëkundjeve të tërmetit.

Ende nuk dihen pasojat e lëkundjeve të forta.