Meksika shënon rreth 800 viktima të Coronavirusit për 24 orë

Meksika shënon rreth 800 viktima të Coronavirusit për 24 orë

Gjatë 24 orëve të kaluara, në Meksikë janë regjistruar 794 viktima të reja të koronavirusit, bëri të ditur Ministria e Shëndetësisë.

Kështu, numri i përgjithshëm i viktimave të sëmundjes së re në një ndër shtetet më të mëdha të Amerikës Latine shkoi në 51,311, shkruan The Guardian.

Përpos të vdekurve, gjatë kësaj periudhe u regjistruan edhe 6,717 raste të reja të infektimeve dhe shifra e përgjithshme e personave të prekur shkoi në 469,407, që është një ndër më të lartat në botë.

Zyrtarët meksikanë kanë thënë se numri i vërtetë i personave të infektuar ka gjasë të jetë goxha më i madh se shifra zyrtare e rasteve të konfirmuara , transmeton Gazeta Express.

Për shkak të përhapjes së shpejtë të virusit në tërë rajonin, zëvendësministri meksikan i Shëndetësisë, Hugo Lopez-Gatell, tha para gazetarëve se pandemia do të zgjasë.