Pas 238 ditëve grevë urie, vdes në burg avokatja turke Ebru Timtik
BKT
   Bota

Pas 238 ditëve grevë urie, vdes në burg avokatja turke Ebru Timtik

Një avokate turke që kërkonte gjykim të drejtë për akuzat e anëtarësisë në organizatë terroriste, ka vdekur sot në një spital të Stambollit në ditën e 238 të grevës së urisë.

Miqtë e saj thanë se Ebru Timtik peshonte vetëm 30 kilogramë në kohën e vdekjes, teksa ngjarja ka ndezur dënesa të ashpra te partitë opozitare në Turqi. 

“Ebru Timtik ishte në ditën e 238-të të grevës që urisë për të kërkuar gjykim të drejtë, Ajo është tashmë martire!” njoftonte Zyra Popullore e Ligjit, organizata e majtë e avokatëve të fokusuar në çështjet politike të vendit.

Timtik ishte anëtare e një shoqate avokatësh, e akuzuar për lidhje me organizatën marksiste “fronti revolucionar i Çlirimit”, i cili është përgjegjës për një seri sulmesh vrasëse në Turqi, duke përfshirë dhe sulmin vetëvrasës ndaj ambasadës amerikane në Ankara në 2013, ku u vra një roje sigurie.

Në vitin 2019, një gjykatë në Stamboll dënoi 18 avokatë përfshi dhe Timtik, me akuza “anëtarësie në grup terrori.”

Timtik u dënua me 13 vjet burg, çka nxiti atë dhe disa avokatë të tjerë të nisnin një grevë urie në shkurt.