Kina raporton vetëm 7 raste të reja me virusin Korona
BKT
   Bota

Kina raporton vetëm 7 raste të reja me virusin Korona

Kina raportoi shtatë raste të reja me COVID-19 më 9 shtator, nga dy raste një ditë më parë, tha autoriteti kombëtar shëndetësor i vendit të enjten, raporton Reuters.

Komisioni Kombëtar i Shëndetësisë tha në një deklaratë të gjitha rastet e reja ishin infeksione të importuara që përfshinin udhëtarë nga përtej detit, duke shënuar ditën e 25-të radhazi pa transmetime lokale.

Komisioni raportoi gjithashtu 15 raste të reja asimptomatike, nga tetë një ditë më parë. Kina nuk i klasifikon pacientët pa simptoma si raste të konfirmuara.

Numri i përgjithshëm i rasteve të konfirmuara COVID-19 në territorin e Kinës tani qëndron në 85,153, ndërsa numri i vdekjeve mbeti i pandryshuar në 4,634.