Gaza raporton 195 raste me COVID-19
BKT
   Bota

Gaza raporton 195 raste me COVID-19

Që nga marsi, numri i infeksioneve në Gaza është rritur në 1.551, duke përfshirë 10 vdekje dhe 114 të shëruar.

Ministria e Shëndetësisë në Gazën e bllokuar nga Izraeli sot ka raportuar 195 raste të reja me koronavirus (COVID-19) dhe një vdekje të një fëmije gjashtëmuajsh, transmeton Anadolu Agency (AA).

Që nga marsi, numri i infeksioneve në Gaza është rritur në 1.551, duke përfshirë dhjetë vdekje dhe 114 të shëruar.

"Numri i rasteve aktive në Gaza është rritur në 1,427", tha ministria, duke u bërë thirrje banorëve të respektojnë protokollet shëndetësore për të ndihmuar në ndalimin e përhapjes së virusit.

Qeveria e udhëhequr nga Hamasi më 24 gusht vendosi masa kufizuese në Gaza për të ndihmuar në frenimin e shpërthimit në enklavën e bllokuar.