Presidenti i Somalisë emëron kryeministrin e ri
BKT
   Bota

Presidenti i Somalisë emëron kryeministrin e ri

Presidenti Mohamed Farmaajo emëroi Mohamed Hussein Roble pothuajse 2 muaj pasi parlamenti shkarkoi kryeministrin e mëparshëm.

Presidenti i Somalisë, Mohamed Farmaajo, emëroi Mohamed Hussein Roble si kryeministrin e ri të vendit, disa orë pasi udhëheqësit rajonalë ranë dakord për një model të rishikuar për zgjedhjet presidenciale dhe parlamentare, transmeton Anadolu Agency (AA).

Njoftimi u bë nga Presidenca e Somalisë në rrjetin social Twitter.

Presidenti uroi që ai të kryejë detyrat e tij në mënyrë efektive dhe efikase, theksohet në njoftim.

Roble është një aktivist humanitar dhe i sapoardhur në spektrin politik të Somalisë.

Ai do të zëvendësojë ish-kryeministrin Hassan Ali Khayre, i cili u shkarkua nga parlamenti në muajin korrik.