21:24 / 06.10.2020
Kjo është gjendja e Trump pas daljes nga spitali
Pas kthimit të mbrëmshëm nga spitali në Shtëpinë e Bardhë, presidenti i SHBA-së Donald Trump nuk ka ndonjë simptomë të COVID-19 dhe ai ndihet jashtëzakonisht mirë, ka bërë të ditur mjeku i tij, Sean Conley.
Sipas AP, në deklaratën e Shtëpisë së Bardhë citohet Conley të ketë deklaruar se presidenti Trump, kur ekipi mjekësor e vizitoi këtë mëngjes, kaloi "natën e parë në shtëpi në mënyrë paqësore" dhe se funksionet e tij jetike janë të qëndrueshme, duke përfshirë nivelin e oksigjenit në gjak.
Në deklaratë nuk bëhet e ditur se çfarë ilaçesh po merr Trump aktualisht, por thekson fjalët e Conley se ai "ndihet jashtëzakonisht mirë si një i tërë".























