Koronavirusi i kthehet Evropës, shënohen rekorde të rasteve në Austri
Autoritetet shëndetësore në Kroaci njoftuan se gjatë 24 orëve të kaluara në këtë shtet janë regjistruar 542 raste të reja të koronavirusit, që është shifra më e lartë ditore që nga fillimi i pandemisë.
Rekordi i mëparshëm i rasteve ditore në Kroaci ishte shënuar më 3 shtator dhe ishte 369, shkruan Reuters, transmeton Gazeta Express.
Që nga shpërthimi i pandemisë, Kroacia i ka regjistruar gjithsej 18.980 raste të infektimeve dhe 310 viktima. Numri i viktimave është dukshëm më i vogël se në Kosovë, ndonëse Kroacia ka më shumë se 4 milionë banorë.
Rekord i rasteve ditore u regjistrua edhe në Austri. Gjatë 24 orëve të kaluara, në shtetin e Evropës Qendrore u shënuan 1.209 raste të reja të koronavirusit, duke e kaluar rekordin e mëparshëm të 1 marsit, kur për një ditë ishin regjistruar 1.050 raste.
Më shumë se gjysma e rasteve të reja që u raportuan në 24 orët e kaluara ishin në Vjenë, kryeqytet i Austrisë.























